Ыччаты биир сыалга-сорукка түмэн, үлэни-хамнаһы кыайар эдэр эрчими дойду сайдыытыгар туһулаабыт комсомол тэрилтэтэ бэйэтин кэмигэр, чахчы даҕаны, олус улахан суолталааҕа. Сэбиэскэй кэмҥэ улааппыт дьон бары уопсай үлэҕэ көхтөөх  этибит.
     Урукку комсомолецтары бука барыгытын Саха сиригэр комсомол тэриллибитэ 100 сылынан итиитик-истиҥник эҕэрдэлиибит! Баҕарабыт энчирээбэт эрчими, уҕараабат уйгуну. «Төлөннөөх сүрэххит кырдьары билиммэккэ, өрүүтүн сырдыгынан сыдьаайа, үлэни көҕүлүү, сайдыыга ыҥыра сырыттын!» диэн баҕа санаабыт бастыҥын тиэрдэбит.


Комсомол, комсомол,
Эн ыстаал кэккэҕэр үүнэбин.
Бу улуу көҥүл дьол
Буомнарын түөспүнэн тэлсэбин

Припев:
Аалай уоттаах сулуһуҥ
Айар, тутар суолдьутум,
Эн комсомол,
Эн комсомол,
Эн комсомол—мин дьолум.

Ыар-курус чаастарбар
Олоҕум доҕоро буолаҥҥын
Мин ыраас дууһабар
Уоспат күүс төлөнү уматтыҥ.

Припев:
Аалай уоттаах сулуһуҥ
Айар, тутар суолдьутум,
Эн комсомол,
Эн комсомол,
Эн комсомол—мин дьолум.

Комсомол, эн эрэ
Кылбайар кырдьыккын хоһуйсан
Мин дьоллоох соргулаах
Ол о5ум эйиэхэ ананар.

Припев:
Аалай уоттаах сулуһуҥ
Айар, тутар суолдьутум,
Эн комсомол,
Эн комсомол,
Эн комсомол—мин дьолум.